1.Wij, Fredrich d'Mepsche ende juffer Oede Entens echteluijden mit sampt juffer Peye Entens, unse l[ieve] suster ter eenre ende
2.Warmolt Hilbrandes ende juffrouw Catrijna van Frijtema echteluijden ter ander sijden. Bekennen ende betugen mit desen opene versegelden
3. breve, voor ons ende onsen arff[genamen] dat wij dorch kracht deses breves mit vrijen willen ende wall voerbedachte moede een ewelicke unde
4. arfflicke wisselingen van landen, huijsen, rentebrieven hebben geholden ende gemacket in forma ende manieren als naebeschrevenn
5. Inden eersten hebben wij Fredrich d'Mepsche ende mijn l[ieve] huijsfrouwe mit sampt juffer Peye Entens unse l[ieve] suster, den erntf[ester]
6. ende erb[are] Warmolt Hillebranies, unsen l[ieve] veddern ende juffrouw Catrijna van Frijtema echteluijden voer hore ende hoeren arffgenamen in
7. een arffwissell upgedragen ende overgegeven ewelick ende arfflick unse borch mit die materialen ende vervallen stene, mit sampt
8. unse hoffte, geboemten, grafften, singelen mit desselves annexen ende thobehoren, staende ende gelegen tho Harsens met oeck het
9. jus patronatus van die pastorie tho Harsens. Hyerenboven hebben wij gemelten Hilbrandes ende sijn l[ieve] huysfr[ouwe] voer hoer ende hoeren
10. arffg[enamen] noch in een arffde[ling] full ewelick ende arfflick overgedragen sekere hondert ende dartich graesen landes ofte soe groet ende 't [c]lene
11. die under den klockenslach van Harsens gelegen moegen wesen, tho die vors[reven] kerck cum annexis behoerende, soe ende als gemelten
12. juffer Oede ende juffer Peye Entens gesusteren voors[creven] selvige borch, hoffte mit syn annexen ende thobehoren vors[creven], mit sampt het
13. jus patronatus unde die gemelte hondert ende dartich grasen landes ofte soe voele die gelegen sinnen, van hoer zal[igen] l[ieve] olderen sijn angear
14. vet ende angestorven. Hijrentegen hebben wij Warmolt Hilbrandes ende f[rouwe] Catrijna van Frytema den ed[e]len er[baren] Fredrich de
15. Mepsche ende juffer Oede Entens echteluijden sampt die ed[ele] erentrijke juffer Peye Entens voer hore ende hoeren arffge[namen] in een arffwis
16. sell upgedragen ende overgegeven ewelick ende arfflick. In den eersten een heert landes gelegen tho Oesterwytwert, omtrent
17. twe ofte dre ende vijfftich graesen groet zijnde, ofte soe groet ende kleen, als die gelegen is, mit desselven gerechticheijden ende thobe
18. hoeren, daer Hindrick Garbrants nu ter tijt meijerwijse up woent. Noch hebben wij Warmolt Hilbrandes ende mijn l[ieve] huijsf[rouwe] gemelte
19. Mepsche ende sijn l[ieve] huijsf[rouwe] mit sampt j[uffer] Peye Entens in een arffwissell upgedragen ende overgegeven, ewelick ende arfflick, voer
20. hoer ende hoeren arffg[enamen] een rentebreeff van soeven hondert daelers int principaell doende negen ende vertich daler jaerlix
21. tho rente, holdende op een heerdt landes tho Zuijdthorn up die Gast gelegen, het convent van Adwert tho behorig van dato den twalften
22. septembris anno duisent vijffhondert veerentachtentich. Walverstaende dat wij Warmolt Hilbrandes ende mijn l[ieve] huijsf[rouwe] beloven voer ons
23. ende unsen arffg[enamen] dessen rentebreeff tho leveren ende tho waren also dat den selven breeff tot gelegener tijt principaell ende een jaer
24. rente sall konnen betaelt werden. Noch hebben wij Warmolt Hilbrandes ende mijn l[ieve] huijsfr[ouwe] gemelte Mepsche ende sijn l[ieve] huijsfr[ouwe], sampt
25. j[uffer] Peye Entens, voer hoer ende hoeren arff[genamen] in een arffwissell overgedragen een rentebreeff van twehondert emder g[ulden] int princi
26. paell, daer hondert daeler an betaelt sint, ende niet meer als vijfftich daeler resteren sy vet (?) ende op sekere venne landes van ses graesen
27. in voors[creven] Hindrick Garbrants heert gelegen. Soelen also een ider van ons …………(?) l[ieve] vrunden sijn thogewisselder landen, huijsen, rentebrieven
28. alles woe boven is verhaalt, mit desselven annexen egendommen ende thobehoeren, soe dat bovengeschrevene ende gespecificeert is, up s[int]
29. Ludger anno negen ende negentich in den egendoem moegen antasten, gebruken, besitten, verhuijren, verkopen ende alle hoere vrijen willen
30. daermede doen ten ewigen dagen ende also malckanderen reciproce d'selvige verwisselde landen, huijsen, rentebreven mit sijn ancleeff
31. ende thobehoeren versc[reven] vrij ende onbelast van renten, schuligtlast, swaricheijden ende oeck voer alle evictiën, actiën ende anspraeck tho leveren
32. ende tho waeren, stellende daer malckanderen wedersijden voer tho onderpanden alle unse landen, huijsen ende guederen hoe ende waer de[se] gelegen
33. ende bevonden moegen werden, ghene uthgenomen. Unde wat die borch, hoffte, landen mit sijn annexen ende thobehoren tho Harsens gelegen mit sampt
34. het jus patronatis voer verhaelt, beter ende tusschen ons ijger is weerdeviget, als die landen ende rentebrieven voer verhaelt, soe wij Fredrich
35. d'Mepsche ende mijn l[ieve] huijsfr[ouwe], sampt j[uffer] Peye Entens, daertegens hebben ontfangen ende genoten deselvige penningen. Bekennen wij Fredrich de
36. Mepsche ende sijn l[ieve] huijsff[ouwe] sampt j[uffer] Peye Entens, dat ons vull ende all tot unsen t……(?), van gemelte Hilbrandes ende sijn l[ieve] huijsfrouwe sinnen
37. vull gedaen ende betaelt soe den lesten penninck mitt de eersten. Dit sonder alle arch ofte list. In orkonde ende vestenisse deser waerheyt hebben wij up
38. gemelte vrunden beyder 't zijden samptlick ende elck besonder desen wisselbreeff mit egener handen undertekent, tot meerder verstenisse soe hebbe ick Fredrich
39. d'Mepsche upgemelt mijnen angeborenen segel witlick beneden an desen breff gehangen. Demgelijck soe hebbe ick Warmolt Hilbrandes vorgemelt gebeden den ed[ele] erentf[este] Ernst
40. van Iselmuijden die olde mijner l[ieve] swager mijnent selven desen breeff te willen versegelen, dat welcke ick Ernst van Iselmuijden dorch begeerte mijnen l[ieve] swager geen
41. (?). unde hebbe mijn angeboren segel witlick beneden an desen wisselbreeff mede gehangen. In den jaer ons heren dusent vijffhondert achtentnegentich, den soeventijn
42. juni